Янги қиёфа: Паризод!

Сўнгги пайтлар эфирда турфа турланаётган янги "чехралар"ни кўрган сайин телевизорни овозини ногох пасайтиришга урина бошладим.
Бугун хам эрта тонгда телевизорни ёқдиму  овозини пастлатишга чоғланганимда Согдианани овозига  ўхшаш овоздан тўхтаб клипни томоша қила бошладим. Умуман янги қиёфа. Зиёдага  ўхшаб кетса-да Зиёда эмас.

Қўшиқ таниш туюлди, Россия қўшиқчиси Сергей Лазеревнинг қўшиғини  ўзбек тилида куйлаган бўлишига қарамай, омадли ва гўзал тарона яралган.

Умуман қайта куйлаганлар хақида хамиша фикрим қатъий ва танқидий бўлган, лекин агар у аввалги куйланганидан афзал бўлсагина ундан мустасно.
Клип сўнггида бу қизнинг исми ёки тахаллуси Паризод эканлигини билдим.

Шу куни иш юзасидан телевидениега  келганимда бир танишимдан бу хонанда хақида қисқагина суриштиришга улгурдим ва унинг клипларини ёзиб хам олдим.

Паризод бу тахаллуси бўлиб, исми ва қолган маълумотлар сир тутилаётган экан. Кристина Агиллера ижодига қизиқадиган бу қиз  Консерватория қошидги мусика мактабидан сўнг Хамза номидаги мусиқа билим юртида  ўқиган.

Болаликдан шеър ёзишга қизиқадиган Паризод илк таронаси бўлган "Бардошим" қўшиғини сўзларини хам  ўзи ёзган экан.
Эътиборингизга хавола қиладиган биринчи клип бу  ўша мени диққатимни тортган тарона.

Клип хақида эса тўхталишни лозим топмадим, негаки, менинг танқидий назаримдан фарқли  ўлароқ ижро махорати албатта диққатга сазовор.
Шахсий хулоса сифатида эса кўринишидан Зиёда ва Бонуни(Олмача клипида)эслатган Паризоднинг овоз жихатлари Согдиана ва қайсидир тарафлама унинг кумири Кристина Агиллерани эслатади.

Қолган хулоса эса, албатта  ўзингиздан.

1. Бардошим (клип)

2. Олмача (клип)