Паризоднинг "Ишонаман” янги таронасига клип суратга олиш майдончасидан репортаж + Сайт мухлисларига Паризоднинг дил сўзлари. Яқиндагина рухан азобланган Паризод, янги "Ишонаман” қўшиғига клип суратга олиш мобайнида энди организми билан яхшигина қийналди. Негаки, "Ўзбекфильм” павильони жуда катта бўлиб, яхшигина совуқ ва иситгич деган матох бу ерларда мехмон хам бўлмаганлиги яққол сезилиб турарди. Энди тасаввур қилинг, мана бундай унинг юпқа кийимда, кўчада қиш пайти, бу ташландиқ заводни эслатгувчи павильион эса яна хам зах, ўлганни устига тепгандек қилиб яна Паризодга "ветродув” катта вентиляторда шамол юборилиб турибди. Унга қараган сари музлаб кетяпмиз. Биз-ку майли кийимда. "Стоп!” дейилиш билан қалтирашини кўрсангиз… Бу "Стоп” ва "Старт”ларку нақ 4-5 соат давомида тинимсиз.
Нихоят Паризодга клипмейкер Жасур Шаметовнинг рахми келди чоғи қаердандир иситгич келтиртирди. У иситгич билан Паризодга иссиқ хаво йўналтирилиб суратга олиш яна давомланди. Суратга олиш майдончасидаги аксарият иштирокчилар Паризодни мана шу кўринишида халқ артисти Насибахоним Абдуллаевага ўхшатишди. Сизнингча -чи?
Бу павильионда икки либосда трек суратга олаётган Жасур Шаметов Ўзбекистонда ягона (ва жуда қиммат) бўлган "Ред лайн” (шунақа эди шекил), камерасидан фойдаланди.
Паризоднинг имиджи устида иқтидорли ва машхур дизайнер имиджмейкер Лидия Андре ишлади. Клип маъносига келсак бир сўз билан ё "Югурганники эмас, буюрганники”, ёки "Тақдирдан қочиб қутулиб бўлмас” деб тушунтириш мумкин.
Суратга олиш жараёнининг иккинчи куни кўчада бўлиб, об-хаво хам Паризодга шафқат қилмай ёмғир ёға бошлади.
Барча қийинчиликларни бошидан ўтказган Паризод, бу клип шунга арзишига, куйлаган таронаси каби "ишонади”.
Паризод : Сайтдаги фикрларни ўқидим, ўзимга тегишли хулоса қилдим. Шунингдек албатта онамнинг насихатлари билан ижодни давомлашга ахд қилдим. Хеч қайси фикр эътибордан четда қолмади. Фурсатдан фойдаланиб, қандай изох бўлмасин вақтларини аямай ёзган барча сайт мухлисларига катта ташаккур айтиб қоламан. Клипни хам барча менга изох битган мухлисларга атаб, айнан шу сайтга биринчи тақдим қиламан. Ўйлайманки, янги клип сизларга манзур бўлади. Жуда хам харакат қилдик. Майли, ёқмаса хам хафа бўлмайман, фақат жуда хам қаттиқ танқид қилмасангиз бўлгани. Чунки ижоддаги мехнатим чин кўнгилдан, ва бунда қўллаб-қувватлашда сизларга ишонаман, рахмат яна бир бор.
"Бардошим” ва "Олмача” қўшиқларини муаллифлик борасида танқид қилганларга: Мазкур "Ишонаман” қўшиғининг матни хам мусиқаси хам Паризодга тегишли. Репортажни тайёрлашда Феруза Фаттахова ва айниқса Саида Вахобоваларга алохида ташаккур билдирамиз.
Owners and founders of the given site do not bear responsibility for use of references and the information, presented on this site. On the given site references to other resources are presented exclusively. The given project is noncommercial, therefore authors do not bear any liability. All information and references are presented exclusively in the fact-finding purposes and intended only for viewing.
Владельцы и создатели данного сайта не несут ответственность за использование ссылок и информации, представленных на этом сайте. На данном сайте представлены исключительно ссылки на другие ресурсы. Данный проект является некоммерческим, поэтому авторы не несут никакой материальной ответственности. Вся информация и ссылки представлены исключительно в ознакомительных целях и предназначены только для просмотра.
