|
ШАРОФ-СЕВИНЧ. БАРЧА СИРЛАР ФОШ ЭТИЛДИ! ЭКСКЛЮЗИВ ИНТЕРВЬЮ!!! -
"Ниҳол” мукофотини қўлга киритгач, ижодингиз гуркираши ўрнига, сусайгандай ёки менга шундай туйиляптими?
- Бунақа саволга жавоб бера олмайман.
-Санъатингиз орқасидан нималарга эришдингиз?
- Биринчи навбатда ҳалқнинг мехрига, ўйлаган орзуларимга, санъаткор сифатида ўз мухлисларимга эришдим. Ундан ташқари уй-жой қилдим, машина сотиб олдим.
-Айни пайтда қайси қўшиқларингизни хит деб айта оласиз?
- "Эсладим”, "Ёлғон муҳаббат”, "Жоним сени” каби қўшиқларим хит бўлган, фикримча ҳозирда ҳам севиб тинглашади.
-Чин дилдан севиб қолганингиз ростми? -
Албатта рост, чин дилдан севиб қолдим.
-Муҳаббатга неча фоиз ишонасиз?
- Ҳеч қандай иккиланишсиз айтаман, юз фоиз севгига ишонаман.
-Қизиқ, Севинч билан муҳббат романингиз қандай бошланди?
- Севинчни аввало санъати менга ёқади, ҳақиқий санъаткор. Ундан ташқари, жуда гўзал ва тарбияли қиз. Профессионал санъаткор сифатида ҳам ҳурматим чексиз бўлган. Севинч билан биз 2002 йилда Гулистон шаҳридаги гала концертда илк бор танишганмиз. Саҳнада жуда қувноқ бу қиз ҳаётда жиддий ва ўта самимийлиги менда катта таассурот қолдириб, у ҳақидаги фикрларим жуда яхши тарафга ўзгарган. Унга нисбатан менда илиқлик пайдо бўлган. Кейинчалик эса жуда кам тўқнаш келдик...
-Мўминовага кези келиб, ишқингиз тушиб қолдишини хеч ўйлаганмидингиз?
- Очиғи умуман кутмагандим, тақдирим экан. Мен жуда бахтлиман.
-Севинчни қайси ҳислатларини қадрлайсиз?
- Севинч жуда меҳрибон ва ширинсўз инсон, шу сифатларини яхши кўраман.
- У ҳақидаги гап сўзларга қай даражада бефарқсиз?
- Энг муҳими, Севинчни ўзим учун яхши биламан. Унга нисбатан яхши фикрдаги барча одамларни ҳурмат қиламан. Санъаткор ҳақида доимо гап-сўзлар кўп бўлган, кимдир ундай, кимдир эса бундай дейди. Санъаткор сабрли бўлиши керак. Айтишади-ку, "Кимгадир ёқар лола, ким атиргул шайдоси”.
- Бўлажак эр-хотинсизлар, яъни бир оила. Санъаткор сифатида барибир ўз дунёингиз якка бўлиб қолаверадими?
- Севинч билан ҳамкорликда ижод қилиш режаларимиз бор. Биргаликда кинода рол ўйнаш ва дуэт тарона яратмоқчимиз.
-Севинч учун нималардан воз кеча олишингиз мумкин?
-Уни жуда ҳурмат қиламан. Мен учун у нималардан воз кеча олса, мен ҳам Севинч учун ўша нарсалардан воз кечишга тайёрман.
-У сиз учун нималардан воз кеча олишини синаб кўрганмисиз?
-Ха, жонидан! Буни унинг кўзларидан англайман.
-Санъаткорнинг ошиқлари талай бўлади, иккалангизда ҳам сизни севувчилар яхшигина топилади. Биринчи муҳаббатингиз ким бўлган? Севинчгача кимнидир севмаганман, десангиз ишониш қийин.
- Йўқ ундай демоқчимасман. Аввал ҳаётимда севги бўлган, ҳаттоки кўз ёшларгача етиб борганмиз. Ўтмишимда, севги бобида омадим чопмаган. Бир нарса айтмоқчиман, санъаткорни дарди бўлса яхши ижод қилади. Илк қўшиқларимни сўзи ва мусиқаларини ўзим яратганман. Бу мавзуда бошқа гапиришни истамайман, сабаби бўлажак турмуш ўртоғимнинг кўнглига озор етказиб қўйишим мумкин.
-Тўй хизматларида бирга қўшиқ куйлашингиз мумкинми?
- Севинч ҳамма жойга ҳам тўйга боравермайди. Унинг санъатга нисбатан қараши бошқача, у тўйга бориб пул топиш учун эмас, ҳақиқий ижод-санъат учун қўшиқ айтади. Санъаткор тўйга чиқиши керак, мен бу борада унга ҳеч қандай чекловлар қўймайман, халқнинг хизматини қилишимиз керак. Мен унга оилага кўпроқ эътибор беришини тушинтирганман. -Севгилингизни эркалаб қандай атайсиз?
- Бу саволга жавоб сир.
-Онангиз келинини хонанда бўлишига қандай муносабатда?
- Онам Севинчнинг энг биринчи мухлиси. Ҳар доим экранда кўрганида, шунақа келиним бўлсайди, деб кўп айтарди. Ҳатто оила аъзоларим баъзи қўшиқларини ёддан билишади. - Санъаткорда рашк кучли бўлади, сиз ҳам шу қатордами?
- Рашким кучли лекин бунга ўрин йўқ. Боиси, Севинч мени қаттиқ рашк қилишга олиб келадиган иш қилмайди. Кўнглим ҳотиржам. Чунки, отаси Толиб ака доим унинг ёнида. Телефон рақамини фақат мен ва ота-онаси биламиз.
-Тўйларда кам кўринасиз, концертларда ҳам?
-Бунинг сабаби, мана 3 ойдан ошди таъмирлаш ишлари билан бандман. Уйимни ўзим таъмирлаяпман. Ундан ташқари, оилавий ишларим билан кўп ўралашиб қолдим.
-Қайси санъаткорнинг оиласига ҳавас қиласиз ва ўзингиз ҳам ўша санъаткор каби бахтли бўлишни истайсиз?
- Лутфулла Саъдуллаев ва Раметовлар оиласига ҳавас қиламан. Барча эркак санъаткорларнинг аёлларини ҳурмат қиламан. Чунки, санъаткорнинг хотини бўлиш қийин. Менга ҳам қизлар жуда кўп телефон қилади. Севинчнинг ўзи чиройли муомала қилиб гаплашади.
-Тўйдан кейин рафиқангизга ким продюсерлик қилади?
- Раҳматли Оҳунжон Мадалиевнинг продюсери Толиб Мўминов яъни бўлажак қайнотам ўзи продюсерлик қилади. Бу жуда машаққатли ва масъулиятли иш. Севинчни шоу-бизнесдаги ҳозирги мавқега эришишига албатта отасининг хизматлари катта.
-Тўйингизда Бухоро удумларига амал қиласизми? Мисол учун "олов атрофида” айланиш кабилар...
- Тўйимиз Тошкентда бўлиб ўтади. Шунинг учун Буҳороча удумларни бажара олмасак керак. -Кинода ҳам кўринмай қолдингиз ёки ҳар гал бир хил, жиддий бўлмаган ролларни ижро этишингиз жонингизга тегдими?
- Оилада битта ўғилман. Шу боисдан, оилавий ва шахсий ишларим туфайли ижоддан бир оз узоқлашдим. "Мени унутма” номли филм суратга олиш режамиз бор. Янги қўшиқ ва клип яратмадим. Лекин радиотўлқинлар орқали қўшиқларим эфирга узатилиб турибди. Халқ менинг касбимни ўзгартириб юборди. Аслини олганда, ўзим режисмёрман. Ҳатто Ёдгор Мирзажоновнинг "Гўзалим” номли клипига режисёрлик қилганман.
- Қўшиқчилик борасида Севинчнинг имкониятлари сизникидан кенгроқдай туюлади?
- Севинч ўзи санъаткорлар оиласидан. 15-16 ёшидан қўшиқ айтади.
- Уйланганингиздан сўнг ижодингиз қай томонга ўзгаради, деб ўйлайсиз?
- Ҳар йили янги йил куни, режа дафтари олиб, янги йил учун ўз режаларимни ёзаман, янги қўшиқ яратиш унга клип суратга олиш, концертлар бериш кабилар. 2010 йилда жуда кўп режаларим бор. Биласизми, "мухлислар йўқолади” деган гап бор, йўқ, ҳақиқий ижод бор жойда мухлис ҳеч қачон йўқолмайди.
5 саволга 5 жавоб
1. Бир кунда Севинчга неча марта смс ёзасиз?
-Агар кайфиятим аъло бўлса бунинг ҳисоби йўқ.
2. Бир кунда Севинч ҳақида неча марта ўйлайсиз?
-Ҳар дақиқада у ҳақида ўйлайман.
3. Бир кунда унинг қўшиқларини неча марта тинглайсиз?
- Машинамдаги терма-дискда унинг қўшиқлари ҳам ёзилган. Шунинг учун ҳам уни ҳар куни эшитаман.
4. Бир кунда неча марта "севаман” сўзини ишлатасиз?
- Бир-биримиздан яхши сўзларимизни аямаймиз.
5. Бир кунда неча марта кўришасизлар?
- Бир кунда бир марта бироқ, жуда узоқ!
| 
